Австралийн Элчин сайдын яам, Монгол Улсын Үндэсний номын сан, Монголын Номын сангийн холбоо хамтран хэрэгжүүлж буй “Хил хязгааргүй номын сан” төслийн баг 2023 оны 6 дугаар сарын 10-14 өдрүүдэд Баян-Өлгий аймагт ажиллав.

Тус аймгийн Улаанхус сумын Хөх хөтөл багийн ЕБС-ийн сан хөмрөгийн хүүхдийн шилдэг бүтээлээр баяжуулж, хүүхэд багачуудад уншлагын цаг үйл ажиллагаа зохион байгууллаа.

Мөн Баян-Өлгий аймгийн Төв номын сангийн номын санчдад каталогжуулалт, мэдлэгийн менежментийн чиглэлээр чадавхжуулах сургалт зоион байгуулж, ном, тоног төхөөрөмж хандивлав.

Багийн бүрэлдэхүүнд Австралийн ЭСЯ-ны Хөтөлбөр хариуцсан ахлах менежер Х.Өрнөх, МНСХ-ны Гүйцэтгэх захирал М.Даваасү, ЭМШУ-ы Төв номын сангийн захирал, МНСХ-ны УЗ-ийн гишүүн З.Баярцэнгэл нар ажиллалаа.

Үйл ажиллагааг хамтран зохион байгуулж, идэвхтэй оролцсон Д.Алтынгүл захиралтай Баян-Өлгий аймгийн Б.Ахтаны нэрэмжит төв номын сангийн хамт олон, Хөх хөтөл багийн ЕБС-ийн нийгмийн ажилтан Х.Хуат болон сурагчдад талархал илэрхийлье!